اسلام آباد ۔ 3 ستمبر (اے پی پی) وزیرِ اعظم عمران خان اسلام آباداتے ایندے علاقیاں اچ بغیر کہیں منصوبہ بندی دے آبادی دے مسلہ دے حل اتے صحت و تعلیم دی سہولیات سانگے اقدامات دی ہدایت کریندے آکھیے جو وفاقی دارالحکومت اسلام آباد کوں ہک مادل ستی بنڑایاونجے۔اواسلام آباد اچ ٹرانسپورٹ،پیونڑ دے صاف پانڑی، ترقیاتی منصوبیاں بارے جائزہ اجلاس دی اگوانڑی کریندے پئے ہن۔انہاں اسلام آباد اچ جاری ترقیاتی منصوبے تیکھے مکمل کرنڑ دی ہدایت کیتی۔اجلاس اچ خاص کر زیر التوا اسلام آباد ائیرپورٹ میٹرو بس منصوبے دے مسلیاں دے حل تے وی غور کیتا گیااتے شہر اچ ماس ٹرانزٹ اتھارٹی بنڑاونڑ دا فیصلہ کیتا گئے ۔چیئرمین سی ڈی اے اسلام آباد دے دیہی علاقیاں اچ مختلف ترقیاتی منصوبیاں تے بریفنگ ڈتی۔ وزیراعظم وفاقی دارالحکومت اچ پانڑی دی لوڑھ پوری کرنڑ کیتے غازی بروتھا توں پانڑی سپلائی کرنڑدے منصوبے کوں تیکھا کرنڑدی ہدایت کیتی۔وزیراعظم کوں آکھیا گیا جو شہریاں کوںو دھ سہولتاں ڈیندے ہوئے اسلام آباد کوں ماڈل سٹی بنڑایا ونجے،آبادی کوں کھنڈنڑ توں روکنڑ دے نال نال گرین ایریازدا تحفظ یقینی بنڑایا ونجے۔
