وفاقی وزیرریلوے شیخ رشید احمد دا شاہ عبدالطیف اسٹیشن تے پریس کانفرنس توں خطاب

کراچی۔ 27ستمبر(اے پی پی) وفاقی وزیر ریلوے شیخ رشید احمد آکھیے جو اج کراچی سرکلر ریلوے )کے سی آر(کیتے اتھاں آئیاں سیاسی گال کائناں کریساں ،کے سی آر تے کم شروع تھی گئے میں ہر 15ڈینھ بعد کراچی آندا رہ ویساں ، میڈا تساں نال وعید اے جو کے سی آر کوں مکمل کریسوں ، کے سی آر دے معاملہ تے حکومت سندھ نال کوئی لڑائی کائنی ،اساں سندھ حکومت کوں رلے گھن تے ٹرسوں ،وزیراعلی سندھ نال ڈو میٹنگز کیتن اتے وڈی کامیاب رہ گئن ،چیف سیکرٹری سندھ تے کمنشنر کراچی دا اساڈے نال پورا تعاون اے ، کے سی آر دے مسلہ تے مرکزی حکومت اتے سندھ حکومت ہک پیج تے ہے ، حکومت سندھ دے نال رل تے تجاوزات دی نشاندہی کیتی ویندی پئی اے ایں حوالے نال ریلوے حکام دی سنوار کوں میٹنگ اے اتے نقشہ ڈتا ویسی جو ریلوے دی زمین کتھاں تئیں اے ، سپریم کورٹ دا حکم اے اساں تجاوزات کوں مکاونڑاں اے ۔