اسلام آباد ۔ 10 ستمبر (اے پی پی) کابینہ کمیٹی برائے توانائی (سی سی ای ای)دا اجلاس وفاقی وزیر منصوبہ بندی، ترقی و خصوصی اقدامات اسد عمردی زیر صدارت تھئے جیندے اچ گھٹ کارکردگی آلے بجلی گھر مرحلہ وار بند کرنڑ دی منظوری ڈتی گئی۔کمیٹی پاور ڈویژن کوں ہدایت کیتی اے جو او انہاں بجلی گھراں کوں بند کرنڑ کیتے درست کم کرے،انہاں اداریاں کوں منصفانہ طور تے انسانی وسائل کیتے تجویزاں ڈیوے۔ کمیٹی ترائے آر ایل این جی پلانٹس دے پی پی اے اتے جی ایس اے اچ گھٹو گھٹ 66 فیصد دی ادائیگی مکاونڑ کیتے پاور ڈویژن دی تجویز تے وی غور کیتے اتے پاور ڈویژن دے نال نال فنانس ڈویژن کوں وی بئی گالھ مہاڑ دی ہدایت کیتی تاں جو بجلی و گیس دے شعبے بغیرکہیں رکاوٹ دے طلب و رسد پوری کر سگن۔اجلاس اچ وزیر برائے توانائی عمر ایوب خان، وفاقی وزیر اطلاعات و نشریات سینیٹر شبلی فراز، پٹرولیم ندیم بابربارے ایس اے پی ایم اتے مختلف ڈویژناں دے سینئر عہدیدار شریک ہن۔
