کینبرا ۔ 10 ستمبر (اے پی پی) کرکٹ آسٹریلیا دے زیر اہتمام ویمنز بگ بیش لیگ دا چھیواں ایڈیشن 25 اکتوبر توں آسٹریلیا دے مشہور شہر سڈنی اچ شروع تھیسی ۔ لیگ اچ اٹھ ٹیماں ٹائٹل دی جت سانگوں پنجہ آزمائی کریسن ۔جیں وچ ایڈیلیڈ سٹرائیکرز، برسبین ہیٹ، ہوبارٹ ہریکنز، میلبورن رینیگڈز، میلبورن سٹارز، پرتھ سکارچرز، سڈنی تھنڈر اتے سڈنی سکسرز شامل ہن۔ برسبین ہیٹ دی ٹیم لیگ اچ ٹائٹل دا دفاع کریسی۔ لیگ اچ فائنل سودھے 59 میچز کھیڈے ویسن ۔ لیگ ڈبل راﺅنڈ روبن اتے ناک آﺅٹ سسٹم دی بنیاد تے کھیڈی ویسی ۔ لیگ دے چھیویں ایڈیشن دا فائنل میچ 29 نومبر 2020ءکوں کھیڈیا ویسی ۔
