پنجاب حکومت سیمنٹ فیکٹریز لاونڑ کیتے این او سی دا اجرا سوکھا کر ڈتے،این او سی دا اجرا ٹائم لائن نال مشروط ہوسی

لاہور۔25ستمبر (اے پی پی )وزیراعلیٰ سردار عثمان بزدار دی ہدایت تے پنجاب حکومت صوبے اچ ارباں روپے دی سرمایہ کاری کیتے اہم اقدام کریندے ہوئے سیمنٹ فیکٹریز لاونڑ کیتے مختلف محکماں دے این او سی دا اجراءسوکھا کر ڈتے اتے مختلف محکماں اچ فیکٹریاں لاونڑ کیتے این او سی دا اجراءٹائم لائن نال جوڑ ڈتے، غیر استعمال شدہ مائننگ لیزسانگے قواعدو ضوابط اچ ضروری رد و بدل دا وی فیصلہ کیتا گئے۔لاہور اچ ہک اجالس دی صدارت کریندے وزیر اعلیٰ این او سی کیتے پراسیس بیا تیکھا کرنڑ دی ہدایت کریندے آکھیے جو سرمایہ اکراں کوں ودھ توں ودھ سہولیات ڈتیاں ونجن۔انہاں ایندے کیتے سیکرٹری لوکل گورنمنٹ دی سربراہی اچ سٹیرنگ کمیٹی بنڑاونڑ دی وی ہدایت کیتی جیڑھی این او سی کیتے قواعد اتے طریقہ کار دا جائزہ گھنسی اتے فیکٹریاں لاونڑ کیتے ہتھ ونڈیسی۔اجلاس اچ صوبائی وزیر صنعت میاں اسلم اقبال، چیف سیکرٹری، سیکرٹریز لوکل گورنمنٹ، آبپاشی،صنعت، معدنیات،ماحولیات، سپیشل مانیٹرنگ یونٹ دے سربراہ اتے متعلقہ حکام موجود ہن۔