اسلام آباد ۔ 22 ستمبر (اے پی پی) حکومت کورونا وائرس دی وبا گھٹنڑ دے بعد اعلان کیتے جو چھیویں ،ستویں اتے اٹھویں دے طلبہ (اج)بدھ توں ایس او پیز دے تحت سکول ویسن۔نیشنل کمانڈ اینڈ آپریشن سنٹر (این سی او سی) اچ وفاقی وزیر تعلیم شفقت محمود سکول کھلنڑ دے ڈوجھے مرحلے دا اعلان کیتے۔انہاں دے نال وزیراعظم دے معاون خصوصی برائے نیشنل ہیلتھ سروسز ڈاکٹر فیصل سلطان وی موجودہن۔شفقت محمود آکھیے جو آزاد جموں و کشمیر دے ضلع راولاکوٹ اتے سندھ دے تعلیمی ادارے 23 ستمبر توں نہ کھلسن،سندھ ایندے تے بیا ہک ہفتہ جائزہ گھنڑ دا آکھیے۔انہاں آکھیے جو رکونا دی صورتحال ڈیہدے ہوئے 30 ستمبر توں پرائمری دے تعلیمی ادارے کھولنڑ دافیصلہ کیتا ویسی جڈاں جو تعلیمی ادارے کھولنڑ دا فیصلہ بہوں اوکھا ہا ۔ شفقت محموداے تاثر رد کر ڈتے جو کجھ تعلیمی ادارے کرونا پاروں بند کیتے گین،انہاں آکھیے جو اے ادارے ایس او پیز تے عمل نہ کرنڑ پاروں اعدادوشمار اتے و زارت صحت دی سفارش تے بند کیتے گین،ایں سانگے آندا اجلاس 29 ستمبر کوں تھیسی،ہنڑ اساں تعلیمی اداریاں کوںامتحان گھنڑ توں وی نہ رکیسوں،اے طلبہ، استاداں اتے والدین دی ذمہ واری اے جو او کرونا کوں کھنڈنڑ توں بچنڑ کیتے ایس او پیز تے سختی نال عمل کرن۔
