ڈونلڈ ٹرمپ ٹک ٹاک کوں گھنڑ سانگے اوریکل کوں منظوری ڈے ڈتی اے

واشنگٹن ۔ 20 ستمبر (اے پی پی) امریکی صدر ڈونلڈ ٹرمپ ’ امریکی سافٹ ویئر کمپنی اوریکل کوں چین دی ویڈیو شیئرنگ ایپ کمپنی بائٹ ڈانس گھنڑ دی منظوری ڈے ڈتی اے۔ٹرمپ صحافیاں کوں ڈسیا جو وال مارٹ وی ایں معاہدے اچ حصہ گھنسی،او ریاست ٹیکساس اچ نویں کمپنی بنڑیسی۔امریکہ ٹک ٹاک چلیسی۔انہاں بئیا آکھیا جو ایں معاہدے اچ ہک تعلیمی پروگرام سانگے پنج ارب ڈالر دا عطیہ وی شامل ہوسی۔واضح رہے جو جمعے کوں بائٹ ڈانس کولمبیا دی ڈسٹرکٹ عدالت اچ ٹرمپ انتظامیہ ولوں امریکہ اچ ٹک ٹاک کوں روکنڑ کوں چیلنج کریندیں ہوئیں ہک مقدمہ درج کیتا ہئی ۔