لاہور ۔ یکم ستمبر (اے پی پی)وزیر اعلیٰ پنجاب کوہِ سلیمان دے علاقے اچ 4 چھوٹے ڈیمز بنڑاونڑ سانگے ابتدائی کم دی اصولی منظوری ڈے ڈتی اے۔پنجاب دے وزیر اطلاعات فیاض الحسن چوہان آکھیے جو جنوبی پنجاب دے لوکاں کوں انہاں دا حق درسال تے ملسی، وزیر اعلیٰ بڑھکاں مارنڑ دی بجائے کم کر تے ڈکھیندن،اتے او جنوبی پنجاب صوبے دے قیام سانگے سنجیدگی نال کم کریندے پین،ایں سانگے ساوتھ پنجاب سیکریٹریٹ اچ 12 سیکریٹریز دی تعیناتی ہک اہم اقدام اے۔فیاض الحسن چوہان آکھیے جو وزیر اعلیٰ پنجاب کوہِ سلیمان دے علاقے اچ 4 چھوٹے ڈیمز بنڑاونڑ سانگے ابتدائی کم دی اصولی منظوری ڈے ڈتی اے تاں جو کوہِ سلیمان دی رودکوہیاں دا پانڑی ضائع تھیونڑ توں بچایا ونجے اتے مقامی آبادیاں وی چھل وات نہ اون ،ایندے نال نال ایں پانڑی نال چشمہ رائٹ بنک کینال کوں وی وادھو پانڑی ڈتا ونج سگسی۔فیاض الحسن چوہان آکھیے جو جنوبی پنجاب دی عوام دے مسلے در تے حل تھیسن، بزدار حکومت وسائل دی منصفانہ تقسیم نال سرے ضلعیاں کوں ہکو سویں ترقی دے موقع ڈیسی۔
