برسلز ۔ 2 ستمبر (اے پی پی) یورپی کمیشن آکھیا جو او عالمی ادارہ صحت دی قیادت اچ منصوبے اچ رلسی جیڑھا جو مستقبل دی کووِڈ 19 ویکسینز دی منصفانہ ونڈ سانگے کم کریندا پئے ۔یورپی یونین دی انتظامی شاخ، یورپی کمیشن ایں فیصلے دا اعلان کیتے جو او کووِڈ 19 ویکسین گلوبل ایکسیس فیسیلٹی نامی منصوبے اچ تقریباً 47 کروڑ 80 لکھ ڈالرڈیسی۔عالمی ادارہ صحت دے ڈائریکٹر جنرل ٹیڈروس ادھانوم گیبریسس ’ جنیوا اچ ہک اخباری کانفرنس اچ ایں اعلان دا خیر مقدم کیتا اتے آکھیا جو عالمی وباءتے قابو پاونڑ سانگے ہکو رستہ عالمی تعاون اے۔
