اسلام آباد۔8اکتوبر( اے پی پی) پاکستان نیشنل ہارٹ ایسوسی ایشن (پناہ)ولوں “Role Of Women In Prevention Of Heart Diseases “دے موضوع تے اسلام آباد اچ خصوصی سیمینار تھیا جئیں دی مزمان خصوصی وفاقی وزیربرائے ماحولیاتی تبدیلی زرتاج گل،وفاقی پارلیمانی سیکرٹری برائے صحت ڈاکٹرنوشین حامد،سینیٹر وپیپلزپارٹی دی سینئر خاتون رہنماروبینہ خالد،سینیٹر ثمینہ سعید،ممبرقومی اسمبلی کنول شاہ زیب،نیشنل کمیشن آف چائلڈ رائٹس دی چیئرپرسن افشاں تحسین باجوہ ہن،بئے مزماناں اچ،،ایم پی اے فرح آغا،،پلومونولوجسٹ ڈاکٹرواجدعلی،ڈپٹی سیکرٹری جنرل جماعت اسلامی عائشہ سید،انفارمیشن سیکرٹری ضلع راولپنڈی قدسیہ مدثر،سینئر نائب صدر منہاج القرآن راضیہ نوید،ڈائریکٹر ویلفیئر منہاج القرآن ناہید مظہر،اداکارہ لیلہ زبیری،،سول سوسائٹی،صحافیاں دی وڈی تعداد شریک تھئی جڈانجو میزبانی دے فرائض پاکستان نیشنل ہارٹ ایسوسی ایشن (پناہ) دے صدر میجر جنرل (ر) مسعودالرحمن کیانی،جنرل سیکرٹری ثناء اللہ گھمن،پناہ دے سینئر ممبران سرانجام ڈتے۔سیمینار تلاوت کلام پاک نال شروع کیتا گئیا۔ایں موقع تے وفاقی وزیربرائے ماحولیاتی تبدیلی زرتاج گل آکھیا جوپاکستان نیشنل ہارٹ ایسوسی ایشن (پناہ)گزریل 36سالیں توں دل دی بیماریاں توں بچنڑ سانگے عام شہریاں کوں ڈساونڑ سانگے خدمات ڈیندا پئے ،اساں انہاں دی خدمات دی تعریف کریندوں۔شرکاءایں موقع تے گالھ مہاڑ کریندیں ہوئیں آکھیا جو دل،کینسر،ذیابیطس سمیت کئی بیماریاں دی وجہ بنڑنڑ آلے عوامل تمباکونوشی،شوگری ڈرنکس کوں زندگی توں ترک کرنڑاں پمسی۔وزیراعظم عمران خان اتے وفاقی کابینہ 20سگریٹ دے پیکٹاں دے نرخاں اچ ڈاہ روپے اتے ہر 250ملی لیٹر مٹھے مشروبات اچ ہک روپے ہیلتھ لیوی بل دی منظوری ڈتی اے جئیں تے اجاں عمل کائنی تھیا۔نینگر نسل دا مستقبل بچاونڑ سانگے تریمتیں کوں اپنڑاں کردار نبھاونڑاں پمسی۔فاقی پارلیمانی سیکرٹری برائے صحت ڈاکٹرنوشین حامدآکھیاجو تریمتیں کوں صحت بارے اہم کردار اداکرنڑاں پمسی۔ سینیٹر وپیپلزپارٹی دی سینئر خاتون رہنماروبینہ خالدآکھیا جو نینگر نسل کوں مثبت پاسے آونڑاں پمسی،سگریٹ ہک خطرناک شئے اے جئیں کوں نینگر نسل استعمال کریندی پئی اے،ایں کوں ختم کرنڑ سانگے رل تے کوششاں کرنڑی پمسن۔تقریب دے چھیکڑ اچ مزماناں کوں اعزازی شیلڈز ڈتی گئی ۔