لاہور۔17اکتوبر (اے پی پی): وفاقی وزیر ریلوے شیخ رشید آکھیا جو ن لیگ ملک دشمناں دے ایجنڈے تے کم کرے تاں اوں تے پابندی لگنڑی چاہیدی اے۔طبلِ جنگ وج گئے اتے نواز شریف دے نال اوہو کجھ تھیسی جیڑھا کجھ الطاف حسین نال تھیے،لیگی قائد دی تقریر کل پورے بھارت اچ ڈکھائی گئی اے،ن لیگ تے پابندی لگنڑی چاہیدی اے۔15توں 20لوک نواز شریف کوں چھوڑ ڈیسن،نواز شریف اشتہاری مجرم ہن،پاک فوج ملک اچ امن دی ضامن اے،اے اداریاں اچ ٹکراﺅ چاہندن۔او ہفتے کوں ریلوے ہیڈ کوارٹر اچ پریس کانفرنس نال خطاب کریندے پئے ہن۔شیخ رشید آکھیا جو نواز شریف دا ہک نکاتی ایجنڈا ہئی جو مریم کوں لندن آونڑ ڈتا ونجے،انہاں دی تقریر کوں بھارت اچ ڈکھایا گئے ،بھارت اچ الطاف حسین کوں او کوریج کائنی ملی جیڑھی نواز شریف کوں ملی اے۔ن لیگ بھارت توں پیسے گھن کراہیں انتشار پاونڑ چاہندی اے۔اگر نواز شریف داایہو رویہ رہیا تاں اگلے پنج سال وی عمران خان دی حکومت ہوسی۔