اج توں نویں سیاست شروع تھیندی پئی اے،نوے ݙینھ اچ فیصلہ تھی ویسی،وفاقی وزیر ریلوے شیخ رشید احمد دی ریلوے ہیڈ کوارٹرز اچ پریس کانفرنس

لاہور۔31اکتوبر(اے پی پی):وفاقی وزیر ریلوے شیخ رشید احمد آکھیا جو نواز شریف دی تھپکی دے بغیر ایاز صادق ایجھا بیان نی ݙے سڳدا۔فوج دے خلاف جیڑھی زبان الائی ڳی اے اے غیر ملکی ایجنݙا اے۔اگر اپوزیشن سیاسی لڑائی کرݨی اے تاں عمران خان پڑ اچ ہن پر تساں ریاست نال لڑسو تاں اوندے سنگین نتائج ہوسن ،عقل دے اندھیاں کوں اندازہ کائنی جو پاکستان دی سیاست کیڑھے خطرناک مرحلے اچ آڳی اے اتے ایں دے کیا نتائج تھی سڳدن۔ اج توں نویں سیاست شروع تھیندی پئی اے،نوے ݙینھ اچ فیصلہ تھی ویسی۔ ہفتے کوں ریلوے ہیڈ کوارٹرز اچ پریس کانفرنس کریندیں ہوئیں آکھیا جو سیاست حالات کافی خراب تھی ڳئن،اج سیاست کوں ریاست تے اہمیت ݙتی ویندی پی اے جیڑھی جو غیر ذمہ وارانہ حرکت اے۔وفاقی وزیر آکھیا جو اساں ٻئی ݙاہ ٹریناں چلاوݨ دا فیصلہ کیتے۔