واشنگٹن۔9اکتوبر (اے پی پی)امریکہ دی ایران دے 18بنکاں تے نویں اقتصادی پابندیاںلا ڈتن۔العربیہ ٹی وی دے مطابق امریکہ محکمہ خارجہ ہک بیان اچ آکھیا جو ایرانی حکومت تے ودھ توں ودھ دباﺅ پاونڑ دی پالیسی جاری رکھی ویسی۔بیان اچ آکھیا گئیا جو ایران تے لاتی گئی پابندیاں اچ انسانی لوڑھ دے بنیادی سامان دی فراہمی تے پابندی کائنی۔امریکہ محکمہ خزانہ ایران کوں بئی بنکاری نظام توں انج کرنڑ دی کوشش اچ اٹھاراں ایرانی بنکاں تے پابندیاں لاونڑ دا فیصلہ کیتے۔امریکی ویزر خزانہ سٹیفن منوچن ہک بیان اچ آکھیا جو اساڈی پابندیاں اوں ویلھے تئیں جاری رہسن جڈاں تئیں ایران دہشت گردی دی سرگرمیاں دی حمایت کرنڑ بند نی کریندا اتے اپنڑے جواہری پروگرام کوں ختم نی کریندا۔
