اولیا دے شہر نال نسبت میکوں عزت اتے شہرت ڈتی اے،ثریا ملتانیکر

ملتان۔3اکتوبر (اے پی پی): نامور گلو کارہ میڈم ثریا ملتانیکرآکھیا جو میں 15سال دی عمر اچ ریڈیو سانگے گاونڑ شروع کر ڈتا ہئی ۔1955اچ ریڈیو پاکستان لاہور نال جڑی اتے جڈاں1971 اچ ریڈیو ملتان دی نشریات شروع تھئی تاں آرٹسٹ دے طور خود کوں ریڈیو ملتان سانگے وقف کر ڈتا۔ملتان یکا توں میڈی سنجانڑ اے اتے اولیا دے شہر نال نسبت میکوں عزت اتے شہرت ڈتی اے۔اے گالھیں انہاں جمعے کوں ریڈیو پاکستان ملتان اتے ایف ایم 93دے پروگرام ” ملتان سے مکالمہ “اچ انٹرویو ڈیندیں ہوئیں آکھی۔ انٹرویو پینل اچ اسٹیشن ڈائریکٹر کوثر ثمرین اتے ریاض میلسی شامل ہن جڈانجو پروگرام دے پروڈیوسر قمر عباس ہاشمی ہن۔ثریا ملتانیکر آکھیاجو میں شہرت سانگے لاہور ونجنڑ دی بجائے ملتان اچ رہونڑ کوں ترجیح ڈتی اے،اتھوں میکوں سارے جگ اچ سنجانڑ ملی اے۔