لاہور۔5اکتوبر (اے پی پی)وزیرِ اطلاعات پنجاب فیاض الحسن چوہان آکھیے جو اٹے دا بحران مکاونڑ اساں ہر کہیں دی ذمہ واری اے،سندھ حکومت وی ‘سب سے پہلے پاکستان’دے اکھانڑ تے ٹردے ہوئے انتظامی بد عنوانیاں مکاونڑ کیتے کردار ادا کرے تاں جو عوام کوں سوکھ ملے۔اے گالھ انہاں ہک پریس کانفرنس اچ آکھی جو محکمہ خوراک پنجاب پچھلے سال اٹھتالی لکھ ٹن کنڑک کتھی کیتی ہئی بھل سندھ حکومت پی ٹی آئی دے خلاف سازش کریندے ہوئے کنڑک مل نہ گھن تے مصنوعی بحران پیدا کیتے،اتے سندھ ایں واری صرف ساڈھے بارھاں لکھ ٹن کنڑک دا ہدف گھن سگی اے بھل پنجاب اچ کنڑک ودھ موجود اے کساناں کوں سوکھ ڈیونڑ سودھا فلور ملاں کوں وی کنڑک ریلیز کرنڑ شروع کر ڈتی اے اتے ہنڑ تئیں پنجاب اچ فلور ملاں کوں ساڈھے بارہاں لکھ کنڑک ریلیز کر چکی اے۔انہاں آکھیے جو سندھ اچ حالی وی کنڑک دی انتظامی نااہلی دا سلسلہ برقرار اے،جیکر سندھ حکومت فلور ملاں کوں کنڑک ریلیز نہ کیتی تاں اے بحران بیا ودھسی۔
