اپوزیشن حکومت نال انتخابی اصلاحات‘ معیشت اتے بہتر گورننس تے ڳال کرسڳدی اے ،چوہدری فواد حسین

APP09-17 ISLAMABAD: August 20 - Federal Minister for Information and Broadcasting, Fawad Chaudhary, assumed his office. APP

اسلام آباد۔29اکتوبر (اے پی پی):وفاقی وزیر سائنس و ٹیکنالوجی چوہدری فواد حسین آکھیے جو اپوزیشن حکومت نال انتخابی اصلاحات‘ معیشت اتے بہتر گورننس تے ڳال کرسڳدی اے لیکن اگر انہاں دا مدعہ اٹھ کیساں تے ہے تاں ول جتنا زور لاوے او لاسڳدن ، عمران خان کوں 2028ءدے بعد وی تساں نی ہٹا سڳدے۔ خمیس کوں قومی اسمبلی اچ ڳال کریندے ہوئیں چوہدری فواد حسین آکھیا جو ذوالفقار علی بھٹو اتے پیپلز پارٹی دی آئین کیتے خدمات ہن لیکن آرٹیکل 53 وی آئین دا حصہ اے جیرھا جو سپیکر دی عزت و احترام دی ڳال کریندے۔ جمہوری تاریخ اچ 1377 توں سپیکر دا آفس قائم تھیا ۔ ایندے بعد سپیکر دی چیئرز دا ایوان وانگوں احترام ہوندے ۔ بدقسمتی نال کجھ لوک فٹ بال کھیݙدے کھیݙدے اچانک ایوان وچ آڳن انہاں کوں عہدے دی توقیر دا پتہ کائنی ۔ چوہدری فواد حسین آکھیا جو پی ڈی ایم کوں احتجاج اتے حکومت تے تنقید دا حق اے۔ مسئلہ اے ہے جو ترائے جلسیں اچ ترائے بیانے ݙتے ڳن۔ گوجرانوالہ دے جلسے اچ فوج اتے عدلیہ‘ کراچی اچ فوج‘ عدلیہ تے اردو زبان جݙاں جو کوئٹہ دے جلسے اچ فوج‘ عدلیہ اتے آزاد بلوچستان دا بیانیہ سامݨے آئے ۔انہاں آکھیے نواز شریف دے پیسے پھس ڳن ایندا مقصد اٹھ کیساں توں جان چھݨاوݨ اے۔