اپوزیشن دی طرفوں گستاخانہ خاکیں تے سیاست افسوس ناک اے‘ حساس معاملے تے اپوزیشن غیر سنجیدہ طرزعمل ݙکھائے ، وزیر خارجہ شاہ محمود قریشی دا قومی اسمبلی اچ اظہار خیال

اسلام آباد۔26اکتوبر (اے پی پی):وزیر خارجہ شاہ محمود قریشی آکھیے جو اپوزیشن دی طرفوں گستاخانہ خاکیں تے سیاست افسوس ناک اے‘ حساس معاملے تے اپوزیشن غیر سنجیدہ طرزعمل ݙکھائے، قوم جاݨدی اے جو پاکستان دے اداریں کوں کون متنازعہ بݨیدا پے ، ہندوستان دی ٻولی کون ٻولیندا پے ،کل انہاں دے پلیٹ فارم توں بلوچستان دی آزادی دے نعرے لڳ ڳن ‘ انہاں اچ نریندر مودی دی روح منتقل تھئی اے ۔ ہندوستان دا بیانیہ انہاں دی گھٹی وچ رل ڳے ،کراچی واقعہ دی ویڈیو فوٹیج مسلم لیگ (ن) اتے انہاں دے حلیفاں کوں نشابر کرݙتے ، ترائے جلیسں نال حکومت مرعوب نہ تھیسی ۔سنوار کوں قومی اسمبلی اچ مسلم لیگ (ن) دے رہنما خواجہ محمد آصف دے نکتے دا جواب ݙیندے ہوئیں وزیر خارجہ شاہ محمود قریشی آکھیا جو حضورﷺ دی شان اچ گستاخی تھئی اے۔ پوری دنیا اتے امہ اچ اضطراب دی کیفیت اے۔ ایں حساس معاملہ تے اپوزیشن دے غیر سنجیدہ رویے تے افسوس تھے ۔ مقدس معاملہ تے وی سیاست کیتی ویندی پئی اے ۔ وزیر خارجہ آکھیا ایندے تے اختلاف کائنی ،پوری قوم اتے مسلم امہ متفق اے۔ حضورﷺ دی شان اچ گستاخی قابل قبول کائنی۔ ایندے نال پوری امت مسلمہ دے جذبات مجروح تھن ۔ اسلامو فوبیا دے رجحان تے اساکوں تشویش اے۔ اینکوں سامݨے رکھیندے ہوئیں اساں ہک قرارداد گھن آیوں ۔ اساݙی خواہش اے جو پورے ہاوس دا اتفاق تھیوے لیکن افسوس دا مقام اے ۔