اسلام آباد۔23اکتوبر (اے پی پی) سپیکر قومی اسمبلی اسد قیصر آکھیے جو ایوان دے تقدس دا خیال رکھݨ حکومت اتے اپوزیشن ݙوہیں دی ذمے واری ھے۔ ‘ اپوزیشن جیڑھا رویہ ݙکھالیے ایندے نال ایوان دی بے توقیری تھیندی اے ۔ جمعے کوں قومی اسمبلی اچ سید نوید قمر دی طرفوں چاتے ڳے نکتے دے ولدے وچ سپیکر آکھیا جو ایوان دے تقدس دا خیال رکھݨ حکومت اتے اپوزیشن ݙوہیں دی ذمے واری اے ۔انہاں آکھیے اواپوزیشن کوں دعوت ݙیندن جو او انہاں ݙے آون تے ڳال کیتی ونجے۔ انہاں آکھیے قواعد دا خیال رکھیا ونڄے ۔ ایہو سویاں حرکتاں نال ایوان دی بے توقیری تھیندی اے۔ ایندے توں پہلے وزیراعظم دے مشیر پارلیمانی امور ڈاکٹر بابر اعوان سید نوید قمر دے نکتہ اعتراض دے ولدے وچ آکھیا جو ایوان حزب اقتدار اتے حزب اختلاف ݙوہیں رلے چلیندن ۔ ایوان دے قواعد و ضوابط اتے ایوان دے کسٹوڈین دی تکریم اساں ساریں دی بنیادی ذمے واری اے ۔گزریل اجلاس وچ سپیکر دی چیئر کوں جیویں ولا ݙتا ڳیا ‘ ایجنڈے دیاں کاپیاں پھاڑ تے سٹیاں ڳیاں ۔ اوں ویلھے اجلاس دے صدر نشیں کیتے ساہ گھنݨ اوکھا تھی گیا اے صورتحال ساری دنیا ݙٹھی اے تے پہلی واری ݙٹھا ڳے جو سیٹیاں وجائیاں ڳیاں تے چیئر دی بے توقیری کیتی ڳی ۔
