اسلام آباد۔26اکتوبر (اے پی پی) وزیراعظم عمران خان میانوالی اچ نمل نالج سٹی دے ماسٹر پلان دی وڈیو ٹویٹر تے شیئر کریندے ہوئیں آکھیے جو اے پاکستان دے پہلے مدینۃالعلم دی تعمیر دے انہاں دے خواب دا خاکہ یعنی ماسٹر پلان اے۔وزیراعظم عمران خان میانوالی اچ نمل نالج سٹی دا منڈھ ٻدھیا ہئی۔ معروف ماہر تعمیرات ٹونی ایشائے جیرھے جو نمل نالج سٹی تے کم کریسن ،انہاں اے موقع ݙیوݨ تے وزیراعظم عمران خان دا شکریہ ادا کیتے،سنوار کوں آپݨے ٹویٹ اچ ماہر تعمیرات ٹونی ایشائے آکھیے جو اپݨے وژن دا حصہ بݨاوݨ داموقع ݙیوݨ تے وزیراعظم عمران خان دا شکرگزار آں ،اے پاکستانیاں کیتے فخریہ لمحہ اے اتے اساں انشاءاﷲ ایجھا ادارہ بݨیسوں جیرھا پاکستان کیتے مستقبل دے لیڈر تیار کریسی ۔
