بے سہارا اتے کمزورلوکاں دیاں لوڑھاں پوریاں کرنڑریاست دی ذمہ داری اے،پناہ گاہوا اچ سہولتاں دے معیار تے کوئی سمجھوتہ نہ کیتا ویسی،وزیراعظم عمران خان

اسلام آباد۔5اکتوبر (اے پی پی)وزیراعظم عمران خان وفاقی دارالحکومت اچ ماڈل پناہ گاہواں دے قیام اتے اتھاں معیاری سہولتاں تے اطمینان کریندے آکھیا جو بے سہارا اتے کمزورلوکاں دیاں لوڑھاں پوریاں کرنڑریاست دی ذمہ داری اے،پناہ گاہوا اچ سہولتاں دے معیار تے کوئی سمجھوتہ نہ کیتا ویسی،پناہ گاہواں اچ مزدراں، بے سہارلوکاں دی خدمت یقینی بنڑائی ونجے،معیاری پناہ گاہواں بنڑاونڑ اتے انہاں دا نیٹ ورک ودھاونڑ کیتے حکومت سارے وسائل ڈیسی اتے مخیر حضرات دی وی حوصلہ افزائی کیتی ویسی۔اے گالھ انہاں اسلام آباد اچ پنج پناہ گاہواں دی اپ گریڈیشن اتے ملک دے بئے حصیاں اچ بہترین سہولتاں آلیاں پناہ گاہواں دے مفصل نیٹ ورک بارے اجلاس دی اگوانڑی کریندے آکھی۔اجلاس اچ معاون خصوصی برائے سماجی تحفظ ڈاکٹر ثانیہ نشتر، سیکرٹری تخفیف غربت و سماجی تحفظ محمد علی شہزادہ، ایم ڈی بیت المال عون عباس بپی اتے بئے سینئر افسران شرکت کیتی۔ معاون خصوصی برائے سماجی تحفظ ڈاکٹر ثانیہ نشتر اسلام آباد اچ پنج پناہ گاہیں اچ رہنڑ آلے مستحقین کوں سہولتاں دی تفصیل ڈسائی۔ایم ڈی بیت المال عون عباس بپی ملک اچ پناہ گاہواں دے نیٹ ورک سانگے روڈ میپ پیش کیتے جیندے تے وزیرِاعظم ایں سانگے بیت المال دے قانون اچ ترمیم دی منظوری ڈتی۔