حکومت ہر بندے تئیں یونیورسل ہیلتھ کوریج ڈیوݨ سانگے کم کریندی پئی اے، ڈاکٹر فیصل سلطان

اسلام آباد۔22اکتوبر (اے پی پی) وزیر اعظم دے معاون خصوصی برائے قومی صحت ڈاکٹر فیصل سلطان آکھیا جو حکومت ہر بندے تئیں یونیورسل ہیلتھ کوریج ڈیوݨ سانگے کم کریندی پئی اے۔اے ڳالھیں انہاں خمیس کوں بین الوزارتی ہیلتھ تے پاپولیشن کونسل دے آپݨی صدارت وچ اجلاس نال خطاب کریندیں ہوئیں آکھی۔صوبائی وزیر صحت ڈاکٹر یاسمین راشد ویڈیو لنک تے شریک تھئ۔سندھ دی وزیر صحت ڈاکٹر عزرا پیچو صوبائی ہیلتھ منسٹر خیبر پختونخوا ڈاکٹر تیمور ظفر جگھڑا ، عالمی ادارہ صحت دے یونیورسل ہیلتھ پیکج بینیفٹس دے ایڈوائزر ڈاکٹر ظفر مرزا، اجلاس اچ سارے صوبائی وزرائے صحت،ڈی جیز ہیلتھ وی شریک تھیے۔اجلاس نال خطاب کریندیں ہوئیں ڈاکٹر فیصل سلطان آکھیا جو حکومت ہر بندے تئیں یونیورسل ہیلتھ کوریج ڈیوݨ سانگے کم کریندی پئی اے۔وفاقی وزارت صحت ولوں صوبائی وزارت تے محکمہ صحت دی سانڄھ نال یونیورسل ہیلتھ بینیفٹ پیکج ڳھن تے آوݨ دا فیصلہ کیتا گئے۔انہاں آکھیاجو پاکستان پہلا ملک اے جیڑھا جو یونیورسل ہیلتھ بینیفٹ پیکج ݙیوݨ آلے پاسے امدا پئے۔