اسلام آباد۔23اکتوبر (اے پی پی):وفاقی وزیر ریلوے شیخ رشید احمد آکھیے جو رسالپور فیکٹری وچ ریلوے انجݨاں دی مرمت اتے ہݨ کوچاں دی تیاری دا عمل شروع تھی ڳئے، چین پشاور توں طور خم تئیں ریل دی پٹڑی وچھاوݨ تے اتفاق کیتے ۔ جمعے کوں سینیٹ اچ سوالاں دے وقفے ویلھے سینیٹر مشتاق احمد اتے سینیٹر لیفٹیننٹ جنرل (ر) عبدالقیوم دے سوالاں دے جواب ݙیندے ہوئیں وفاقی وزیر آکھیا اے درست کائنی جو رسالپور فیکٹری کوں 2014 توں کوئی منصوبہ تیاری کیتے نی ݙتا ڳیا، گزریل ݙو سال دے دوران پراݨے اجݨ رسالپور فیکٹری وچ بݨائے ڳن تے ہݨ اتھاں کوچاں بݨاوݨ دا عمل شروع تھی ڳے ۔انہاں آکھیے جو ڈرائیورز اتے ٹیکنیکل ورکرز کوں ٹیکنیکل الائونس ݙتا ویندا پئے ،سارے مزدوراں دی پنشن دا عمل اڄوکے مہینے شروع کیتا ویسی۔ انہاں آکھیے جو پشاورتوں کراچی تئیں ریلوے لائن وچھائی ویندی پئی اے جڈاں جو چین پشاور توں طورخم تئیں ریلوے پٹڑی وچھاوݨ تے اتفاق کیتے۔
