زمبابوے کرکٹ ٹیم قومی ٹیم پاکستان پج گئی اے

اسلام آباد۔20اکتوبر (اے پی پی):زمبابوے کرکٹ ٹیم قومی ٹیم دے نال ترائے ون ڈے میچ تے ٹی20 سیریز کیتے منگل دی سویل پاکستان پج گئی اے ۔ پاکستان کرکٹ بورڈ (پی سی بی) ترجمان موجب زمبابوےسکواڈ بذریعہ دبئی اسلام آباد ائیرپورٹ پج گے ۔اسلام آباد ایئرپورٹ تے پی سی بی حکام زمبابوے دی ٹیم دا پرتپاک استقبال کیتا۔ ٹیم ہوٹل پجنڑ تے زمبابوے سکواڈ دے کووڈ 19 ٹیسٹ گھدے گن ۔ مہمان سکواڈ منگل توں آپنڑے ست ڈینھ آئسولیشن دی مدت پوری کریسی ۔ زمبابوے دی ٹیم پاکستان نال ترائے ہجک ڈینھ وار تے ترائے ٹی ٹوئنٹی میچاں دی سیریز کھیڈسی۔ راولپنڈی کرکٹ سٹیڈیم اچ ترائے ون ڈے میچ کھیڈیے ویسن ۔ پاکستان اتے زمبابوے وچال پہلا ون ڈے میچ 30 اکتوبر کوں راولپنڈی اچ کھیڈیا ویسی ۔ ڈوجھا ون ڈے یکم نومبر تے چھیکڑی ون ڈے میچ 3 نومبر کوں راولپنڈی اچ کھیڈیا ویسی ۔ ٹی20 میچاں دی سیریز لاہور اچ کھیڈی ویسی ۔