اسلام آباد۔22اکتوبر (اے پی پی)وفاقی وزیر مواصلات مراد سعید آکھیا جو عالمی ادارے پاکستان دی معاشی کارکردگی دی تعریف کریندے پئن،ملک اچ ستر سالیں بعد کرنٹ اکائونٹ خسارے توں نکل کراہیں سرپلس اچ آڳئے۔خمیس کوں میڈیا بریفنگ وچال انہاں آکھیا جو وزیراعظم عمران خان 22سال دی سیاسی جدوجہد دے بعد اقتدار اچ آئن،جمہوریت اچ تلویں سطح توں جدوجہد کرݨی پمدی اے،پی ٹی آئی دے پہلے ہک صوبے اچ حکومت ہئی،ہݨ مرکز سودھے ترائے صوبیاں اچ اساݙی حکومت اے۔انہاں آکھیا جو اپوزیشن ایوان اچ تحریری این آر او منگیا جیڑھا اساں نی ݙے سگدے،اے لوک منی لانڈرنگ،کرپشن اتے ٻاہرلے ملک آپݨے غیر قانونی اثاثیاں دی پچھ گچھ نہ کرݨ دا مطالبہ کریندے پئن۔انہاں آکھیا جو دنیا کورونا مکاوݨ سانگے این سی او سی دے کردار دی تعریف کریندی اے۔سول تے عسکری قیادت رل تے کورونا کامیابی نال مقابلہ کیتے۔
