اسلام آباد۔8اکتوبر (اے پی پی) تحریک فرید پاکستان ، سرائیکی ادبی اکیڈمی ، سرائیکی جرنلسٹ فورم ولوں فرزند فرید چیئرمین سرائیکستان صوبہ محاذ خواجہ غلام فرید کوریجہ دی اہلیہ دی فوتگی تے نیشنل پریس کلب اسلام آباداچ تعزیتی ریفرنس تھئے۔ ایں موقع تے تلاوت کلام پاک دی سعادت قاری وقار احمد عباسی، نعت رسول مقبول محمد مزمل عارض حاصل کیتی۔ریفرنس اچ مزمل رضا کھوکھر، سید جہانگیر قریشی،علامہ سید جہانگیر شاہ سعیدی، علامہ قاری نظر حسین نقشبندی، مجاہد بھٹی، رانا ابرار خالد، جاوید مسعود بھٹی، علامہ مفتی ذیشان رضوی، ملک شبیر بوہڑ، مظہر عارف، مرشد پیر سرکار جی اتے فرزند فرید خواجہ غلام فرید کوریجہ چیئرمین سرائیکستان صوبہ محاذخطاب کیتے۔ محمد مزمل عارض اتے فہیم ساجد حضرت خواجہ غلام فرید دا کلام پیش کیتے ۔ نظامت دے فرائض سرائیکی ادبی اکیڈمی دے سیکرٹری جنرل شاہد دھریجہ کیتن جڈاں جو نیشنل پریس کلب دی نائب صدر، سرائیکی ادبی اکیڈمی دی صدر ڈاکٹر سعدیہ کمال شرکا دا شکریہ ادا کیتے ۔فرزند فرید چیئرمین سرائیکستان صوبہ محاذ خواجہ غلام فرید کوریجہ اپنڑی اہلیہ دے انتقال کوں جیونڑ دا وڈا ڈکھ قرار ڈیندے آکھیے جیکرشریک حیات دا ساتھ نہ راہوے تاں جیونڑ اوکھا تھی ویندے اتے ہر شے سنجی لگدی اے،دعا کریجے جو اللہ مرحومہ کوں اپنڑی رحمت ہیٹھ جاہ ڈیوے اتے اساں ساریاں کوں صبرنال راہنڑ دی توفیق ڈیوے۔ریفرنس اچ قاری نذر حسین صدیقی, سید جہانگیر شاہ, قاری ذیشان حسین, قاری اشفاق نقشبندی, قاری محمد اسحاق نورانی, قاری محمد اعظم, شفیق لغاری, طارق کلیم, محمد فاروق ملانہ, محمد شہباز, کاشف عمر, مدثر خان خٹک, آغا گل, سید صدام حسین, میاں نوید دھریجہ, محمد بخش برآٹھا, محمد اسد پتافی, ملک نعمان اکبر, محمد عدیل, ثقلین احمد, عدیل افضل سودھا بئے لوکاں فرزند فرید کوں پرچاونڑی ڈتی اتے مرحومہ دی بخشش کیتے دعا منگی۔
