اسلام آباد۔29اکتوبر (اے پی پی):وفاقی وزیر وفاقی تعلیم و پیشہ ورانہ تربیت شفقت محمود آکھیے جو ملک اچ ہکو سواں نصاب تعلیم رائج کرݨ کیتے صوبیں نال مشاورت تے اقدامات کیتے ویندے پن تے مرحلہ وار کم تھیسی ، اپریل تئیں ہکو سواں نصاب تعلیم دے نفاذ دی کوشش کریسوں ۔خمیس کوں سینیٹ وچ سینیٹر رخسانہ زبیری، عبدالغفور حیدری اتے ٻئے ارکان دے سوال دے جواب اچ انہاں آکھیے جو ایں معاملے تے سارے صوبیں، آزاد کشمیر اتے گلگت بلتستان دے حکومتاں اتے ماہرین تعلیم نال مشاورت کیتی ڳی اے ، قانون سازی وی درکار ہو سی، ملک اچ ایں ویلھے ترائے توں چار نظام تعلیم موجود ہن، کووڈ۔ 19 دے دوران وی اساں سارے فیصلے سانجھے کیتن نصاب تعلیم دے نفاذ دے حوالے نال کوئی یکطرفہ فیصلہ نہ تھیسی ۔
