اسلام آباد۔23اکتوبر (اے پی پی):وزیر مملکت پارلیمانی امور علی محمد خان آکھیے جو کل نادرا 71.46 ملین تریمتاں دی رجسٹریشن کیتی ھے۔جیں وچوں 53.51 ملین بالغ تریمتاں ہن، تریمتاں کوں قومی شناختی کارڈ گھنݨ کیتے سہولتاں ݙتیاں ویندیاں پئن ۔ جمعے کوں سینیٹ اچ سوالاں دے وقفے ویلھے سینیٹر مشتاق احمد، سینیٹر تاج مہر روغانی، سینیٹر محمد اکرم دے سوالاں دے ولدے وچ وزیر مملکت آکھیے جو پہلی واری تریمتان دی مفت رجسٹریشن کیتی ویندی پئی اے ، تریمتاں دی رجسٹریشن وچ ودھارے کیتے اقدامات کیتے ویندے پئن ، سارے نادرا دفتراں وچ جمعہ کوں بطور تریمتاں دا ݙینھ منایا ویندے ، تریمتاں کیتے پورے ملک وچ 17 انجھ تریمت کائونٹرز بݨائے ڳن ۔
