نیشنل پولیس اکیڈمی دے بورڈ آف گورنرز اے ایس پیز دے نویں تربیتی نصاب دی منظوری ڈے ڈتی

اسلام آباد۔1اکتوبر (اے پی پی) نیشنل پولیس اکیڈمی( این پی اے )دے بورڈ آف گورنرز متفقہ طور تے اے ایس پیز دے نویں تربیتی نصاب دی منظوری ڈے ڈتی اے ۔ خمیس کوں وزیر داخلہ اعجاز احمد شاہ دی زیر صدارت این پی اے بورڈ آف گورنرز دا اجلاس نیشنل پولیس اکیڈمی اسلام آباد اچ تھیا جیں اچ سیکرٹری داخلہ، کمانڈنٹ این پی اے، سارے صوبائی آئی جیزاتے انہاں دے نمائندے شریک تھئے ۔ اجلاس اچ آئی جی این ایچ ایم پی اتے وفاقی تے صوبائی بیوروکریسی دے نمائندیں شرکت کیتی ۔ اجلاس اچ سی ایس ایس دے ذریعے شامل اے ایس پیزدی تربیت جدید معیار اتے نصاب دے مطابق کرنڑ تے غور کیتا گیا ۔ بورڈ آف گورنرز متفقہ طور تے اے ایس پیز دے نویں تربیتی نصاب دی منظوری ڈے ڈتی اے۔ بورڈ نیشنل پولیس اکیڈمی کو تربیت اچ درپیش مسئلیں دے حل کیتے سہولتاں ڈیوںڑ دی وی منظوری ڈتی ۔ وزیر داخلہ اعجاز احمدشاہ خطاب کریندے ہوئیں آکھیے جو قانون دی حکمرانی کوں یقینی بنڑایا ونجے ۔ پولیس فورس اتے بیوروکریسی اچ میرٹ اتے شفافیت ضروری اے۔