اسلام آباد۔29اکتوبر (اے پی پی):حضور نبی پاک ﷺ دے جمݨ ݙینھ بارے وزارت مذہبی امور ولوں قومی رحمة اللعالمین کانفرنس (اڄ) تھیسی۔ایں سال کانفرنس دا موضوع ‘ماحولیاتی آلودگی اتے اساݙی ذمہ واریاں سیت النبی دی روشنی اچ’ ہوسی۔ربیع الاول 1442ھ دے موقع تے وزارت مذہبی امور ولوں جاری کیتے ڳے نوٹیفیکیشن اچ آکھیا ڳے جو حضور اکرم ﷺ دی جمݨ ݙینھ بارے تقریبات دی نسبت نال قومی رحمة اللعالمین کانفرنس دے نال نال صوبائی، ڈویژنل اتے ضلعی سطح تے وی سیرت کانفرنسز تھیسن۔صدر مملکت اتے وزیراعظم پاکستان کانفرنس دے افتتاحی اتے چھیکڑی اجلاساں اچ خصوصی مزمان ہوسن۔
