اسلام آباد۔28اکتوبر (اے پی پی) وزیر اعظم عمران خان دی صدارت پنجاب اچ صنعتی ترقی خصوصی طور سیمینٹ دی صنعت دی ترقی تے ودھارے بارے اجلاس تھیا۔وزیر اعلی پنجاب سردار عثمان بزدار، صوبائی وزیر اطلاعات فیاض الحسن چوہان چیف سیکرٹری پنجاب اتے ٻئے اعلیٰ حکام اجلاس اچ شرکت کیتی۔وزیراعظم آفس دے میڈیا دے مطابق وزیراعظم عمران خان کوں پنجاب اچ صنعتی ترقی بارے کیتے ڳئے اقدامات بارے ݙسیا۔جنہاں اچ اسپیشل اکنامک زون بݨاوݨ، سمال انڈسٹریل انٹرپرائز دی حو صلہ افزائی ، لوکل اتے باہرلی سرمایہ کاری اتے ہنر مند افرادی قوت تے توجہ شامل اے۔وزیراعظم خصوصی ہدایت کیتی جو سرمایہ کاراں سانگے ہرممکن سہولتاں ݙتی ونجن تانجو عوام دی فلاح دے ترقیاتی منصوبے پبلک پرائیویٹ پارٹنر شپ دے تحت بݨائے ونجن۔
