وزیر اعظم عمران خان نال صنعتکاراں دے وفد دی ملاقات

اسلام آباد۔15اکتوبر (اے پی پی)وزیر اعظم عمران خان نال صنعتکاراں دے وفد ملاقات کیتی اے۔ملاقات اچ وفاقی وزیر محمد حماد اظہر، مشیر ڈاکٹر عشرت حسین، گورنر اسٹیٹ بینک رضا باقر، چیرمین ایف بی آر جاوید غنی وی موجودہن ۔وفد کویڈ وبا دے پیش نظر صنعتاں کوں سہولتاں ڈیونڑ تے وزیراعظم تے انہاں دی ٹیم کوں خراج تحسین پیش کیتا ۔وفد برآمدات ودھاونڑ ، ملکی صنعت دے ودھارے تے ٹیکس نظام اچ بہتری دے حوالے نال آپنڑیاں تجویزاں وزیراعظم دے سامنڑے پیش کیتیاں ۔وزیر اعظم وفد نال گال مہاڑ کریندے ہوئیں آکھیا جو حکومت کاروباری طبقے اتے صنعتکاراں کوں سہولتاں ڈیونڑ کیتے پرعزم اے اتے کاروبار سوکھا کرنڑ کیتے ہر ممکن اقدامات کریندی پئی اے ۔وزیر اعظم آکھیا جو ملکی صنعت دے ودھارے نال روزگار دے مواقع پیدا تھیسن تے برآمدات توں زر مبادلہ حاصل تھیسی جیرھا جو فلاح عامہ دے منصوبیں تے خرچ تھیسی ۔وزیر اعظم انڈسٹری اتے یونیورسٹیاں وچال ریسرچ و ٹریننگ دے حوالے نال رابطے قائم کرنڑ تے زور ڈتا تاں جو نینگراں کوں فنی مہارت مل سگے ۔وزیر اعظم آکھیا جو ملک سرمایہ کار اتے صنعت کار کوں سہولتاں ڈیندن اوہے ملک ترقی کریندن ۔وزیر اعظم وفد ولوں ڈتیاں گیاں تجویزاں تے متعلقہ وزارتاں تے آیف بی آر کوں ہدایات جاری کیتیاں ۔وفد اچ ثنا آللہ چودھری، عبدالرحمان ، معین ظفر ،میاں افتخار احمد ،مرتضا پراچہ ،عامر اللہ والا، سہیل الطاف ، احتشام الدین اتے سردار یاسر الیاس شامل ہن۔