اسلام آباد۔28اکتوبر (اے پی پی) وزیر خارجہ مخدوم شاہ محمود قریشی اتے انہاں دے ترک ہم منصب میلوت چاؤ س اوگلو وچال بدھ کوں ٹیلی فون تے رابطہ تھیا۔وزیرخارجہ شاہ محمود قریشی آپݨے ترک ہم منصب کوں ترکی دے 97 ویں یوم جمہوریہ (29 اکتوبر) تے مبارخ ݙتی ۔ݙوہیں وزرائے خارجہ آپسی دلچسپی دے معاملے تے ڳالھ مہاڑ کیتی ڳئی اتے مختلف شعبیاں اچ ݙوپاسہ تعاون تے پیش رفت دا جائزہ ڳھدا ڳیا۔وزیر خارجہ شاہ محمود قریشی ‘ جموں تے کشمیر دے تنازعہ تے ترکی ولوں کیتے ڳے اصولی موقف اتے ایں بارے ترکی دی پوری حمایت دی تعریف کیتی۔ݙوہیں وزرائے خارجہ ودھدی ہوئی اسلاموفوبیا سودھےامت مسلمہ سانگے باعث تشویش معاملیاں تے رابطے اچ رہوݨ تے اتفاق کیتے۔
