لاہور۔3اکتوبر (اے پی پی): وفاقی وزیر ریلوے شیخ رشید احمد ’ سابق وزیر اعظم محمد نواز شریف اتے مریم نواز توں 30 سوالیں دے جواب منگ گھدن،ہفتے کوں ریلوے ہیڈکوارٹرز لاہور اچ پریس کانفرنس کریندیں ہوئیں انہاں آکھیاجو نواز شریف کوں اپنڑے کہیں پارٹی عہدے دار تے یقینی کائنی ایں سانگے اقتدار اپنڑے اتے اپنڑے ٹبر وچال رکھئے،ہنڑ شاہد خاقان عباسی یا خواجہ آصف کو ںپارٹی قیادت کیوں نی ڈتی ویندی پئی ،نواز شریف جیڑھے جنرل ظہیر الاسلام دے خلاف گالھ کریندے پئن او ڈساون انہاں کوں انہاں الوداعی خط اچ کیا لکھیا ہئی ،کیا نوا زشریف ایں خط اچ جنرل ظہیر کو ں انہاں دی جمہوریت سانگے خدمات دی تعریف کائنی کیتی،کیا انہاں جمہوریت قائم رکھنڑ اچ شکریہ ادا کائنی کیتا،نواز شریف ڈساون جو او چار سال پہلے کوڑ مریندے پئے ہن یا اج،وفاقی وزیر آکھیا جو چووی سالیں توں جیڑھی فوج لسانیت،فرقہ پرستی اتے دہشت گردی دے خلاف لڑدی پئی اے،نواز شریف اوندے خلاف اعلان جنگ کیتے،میں اج وی اپنڑے بیان تے قائم آں جو مسلم لیگ ن توں ش لیگ نکلسی اتے دسمبر،جنوری تئیں بہاری پھر ویسی۔انہاں آکھیا جو مریم دا لحاظ ایں سانگے اے جو او تریمت اے،تریمت ہوونڑ دے ناطے انہاں کوں بہوں ساری رعایتاں ملین،مریم گھٹ توں گھٹ اے تاں ڈساون جو انہاں دے چاچے دی ضمانت کینسل کیوں تھئی اے،انہاں دا ابا ہسپتال کیوں کائنی گئیا،او کیڑھے ملازم ہن جیڑھے 17ہزار روپے دی تنخواہ تے نو،نو ارب روپے دی ٹرانزیکشنز شہباز شریف دے اکاﺅنٹ اچ کریندے رہیے۔انہاں آکھیا جو جیڑھی فوج دہشت گردی دے خلاف،ٹڈی دل،کورونا،سیلاب،نیلم جہلم،پولیو،ایم ایل ون اتے سی پیک دے خلاف لڑی،اوندے خلاف جئیں وی گالھ کیتی اوندی زبان چھک گھدی ویسی،انہاں آکھیا جو تساڈے بیانیے دا ویلھا مُک گئے اتے ہنڑ عدالتاں اچ لٹی ہوئی دولت دا حساب ڈیونڑاں پمسی۔
