راولپنڈی۔24اکتوبر (اے پی پی):چیئرمین کشمیر کمیٹی شہریار آفریدی آکھیے جو پاکستان دنیا اچ امن کیتے 30 لکھ افغان پناہ گزیناں دی میزبانی کریندا پئے ، دہشت گردی دے خلاف جنگ اچ پاکستانیوں بے مثال قربانیاں ݙتن، بھارت کشمیر تے ظلم تے بربریت کر یندا پئے، او ݙینھ پرے کائنی جݙاں کشمیردی آزادی دا سجھ ابھرسی، گزریل ݙینھ راولپنڈی اچ اقوام متحدہ دی 75 ویں سالگرہ دی تقریب نال خطاب کریندے ہوئیں انہاں آکھیے جو بدقسمتی نال اج ہائبرڈ جنریشن ففتھ وار نال دشمن اساݙے نینگراں کوں ورغلاوݨ دی کوشش کر یندا پئے تے ہر ݙینھ پاکستان دے وجود اتے سلامتی دے خلاف سازشاں تھیندیاں پن ۔
