اسلام آباد۔23اکتوبر (اے پی پی) پورے ملک وچ عید میلاد النبؐی دیاں تیاریاں زور تے ہن،نکے وݙے شہراں وچ خصوصی سٹالز بݨائے ڳن۔لوکاں دی وݙی تعداد سجاوٹ دیاں چیزاں گھنݨ شروع کرݙتن ۔ربیع الاول دے شروع تھیندے ہی کئی شہراں اچ نجی تے سرکاری عمارتاں کوں سوہݨاں سجایا ڳے۔ عیدمیلاد النبی دیاں تیاریاں دے حوالے نال نبی آخرالزمان دی تعلیمات کوں نشابر کرݨ کیتے خصوصی تقریباں ، پروگرامز کیتے ویندے پئن۔ 12 ربیع الاول میلاد النبیؐ کوں اسلامی کیلینڈر وچ خصوصی جاہ حاصل اے ،۔ماہ ربیع الاولوچ پوری دنیا دے مسلمان ولادت دے جشن کوں شایان شان طریقے نال منیندن ۔ وزیراعظم عمران خان وی عید میلادالنبیؐ دی مناسبت نال خصوصی تقریباں دے اہتمام دی ہدایت کیتی اے وفاقی حکومت وزیراعظم دی ہدایات دی روشنی وچ آزاد کشمیراتے گلگت بلتستان سودھے چارے صوبائی حکومتاں کوں مراسلہ جاری کیتے جوعید میلاد النبیؐ کوں شایان شان طریقے نال مناوݨ کیتے خصوصی تقریباں کرائیاں ونڄن ۔
