اسلام آباد۔8اکتوبر (اے پی پی):وفاقی وزیر قومی تحفظ خوراک و تحقیق فخر امام آکھیے جو کپاہ ملک دے زرعی معاشی شعبہ اچ ہک وڈی پیش رفت دے سگدی اے۔اے گالھ انہاں کپاہ دے شعبہ دی ترقی سانگے ہک سیمینار نال خطاب اچ آکھی۔انہاں کپاہ دے شعبہ کوں ترقی ڈیونڑ دا عزم دوہریندے آکھیا جو سندھ اچ بارش پاروں کپاہ دی فصل ودھ متاثر تھئی اے،پیداوار گھٹی اے،جیوین چین زراعت دے شعبہ اچ تیزی نال ترقی کریندا پئے ساکوں وی زرعی ملک ہوندے ایندی اہمیت سمجھدے ہوئے تیکھے ایں شعبہ اچ اصلاحات کرنڑیاں ہوسن۔سیمینار اچ کاٹن کمشنر خالد عبداللہ ملک اچ 13ارب ڈالر دی کپاہ دی مصنوعات برآمدتھیندن،2.3ملین ہیکٹرتے ایں سال کپاہ رہائی ویسی اتے 85 فیصد کپاہ چھوٹے کاشتکار پیدا کریندن،ایں سانگےا قدامات دی لوڑھ اے۔