ملتان۔13اکتوبر (اے پی پی) گورنر پنجاب چوہدری محمد سرورنال جنوبی پنجاب دے صنعت کار وسابق صدر چمبرز آف کامرس اینڈ انڈسٹری ملتان اتے صدر چیمبرز آف کامرس اینڈ انڈسٹری ڈیرہ غازی خان خواجہ جلال الدین رومی گورنر ہاوس ملتان اچ ملین۔گورنر آکھیا جو تیکھے مخیر حضرات نال رل تے ڈیرہ غازی خان اچ قرضہ حسنہ سکیم دے تحت بےروزگاری گھٹاونڑ کیتے کم کریسوں،مختلف ترقیاتی منصوبیاں اتے صحت و تعلیم دیاں معیاری سہولتاں کیتے وی منصوبہ بندی کیتی ویندی پئی اے جیندے نال علاقے دا وڈا فیدہ تھیسی۔گورنر آکھیا جو جنوبی پنجاب دیاں یونیورسٹیاں اچ زرعی ریسرچ سنیٹرز فعال کرنڑ دی لوڑھ اے تاں جو علاقے اچ زرعی ترقی تھیوے اتے بیروزگاری مکے۔انہاں یقینی ڈیوایا جو او تیکھے ڈیرہ غازی خان دا دورہ کریسن اتے علاقے دے مسلیاں دا جائزہ گھنسن۔
