پیرس۔8اکتوبر (اے پی پی)اقوام متحدہ چتاونڑیں ڈتی اے جو کورونا وبا دے دوران گھٹ آمدنی آلے ملکاں اچ طبی سہولتاں دی عدم دستیابی پاروں زچگی ویلھے سالانہ 2لکھ اموات ودھ سگدن ۔ یونیسیف ، عالمی ادارہ صحت اتے عالمی بینک دی تیار کیتی گئی سانجھی رپورٹ اچ آکھیا گئے جو سالانہ شرح اموات آلے ملکاں اچ زچہ بچہ دی ڈیکھ بھال دے مناسب انتظامات دے ذریعے ہر سال لکھاں جاناں بچائیاں ونج سگدن ۔رپورٹ موجب ودھ اموات گھٹ تربیت یافتہ دائیاں تے طبی ساز و سامان دے ناقص معیار پاروں واقع تھیندن ۔ عالمی سطح تے زچہ و بچہ دی شرح اموات اچ اجوکے ڈھاکیاں اچ کمی آئی اے تاں جو ایندے برعکس افریقہ اتے جنوب مشرقی ایشیاءاچ اے گھٹ کائنی تھیا ۔رپورٹ وچ ڈسایا گئے جو وبائی مرض نال نبڑنڑ پاروں درمیانی آمدنی آلے ملکاں اچ 50فیصد صحت دیاں خدمات متاثر ہن ۔
