راولپنڈی۔24نومبر(اے پی پی) پاک فوج دے سربراہ جنرل قمر جاوید باجوہ دی زیر صدارت کور کمانڈرز کانفرنس اچ ہندوستان دی ریاستی دہشتگردی دے ناقابل تردید شواہد دا جائزہ ڳھدا ڳئے۔ آئی ایس پی آر آکھیے جو کور کمانڈرز پاکستان اچ عدم استحکام کیتے بھارتی سازشاں اتے بھارتی ریاستی دہشت گردی دے ناقابل تردید شواہد دا جائزہ ڳھدے۔ اجلاس اچ افغان امن عمل اچ مثبت پیشرفت، لائن آف کنٹرول، کشمیریاں تے بھارتی مظالم، مقبوضہ کشمیر اچ بھارتی مظالم دی صورتحال دا وی جائزہ ڳھدا ڳئے۔ کور کمانڈرز کانفرس اچ خطے اتے ملکی سلامتی دی صورتحال، سی پیک دے خلاف بھارتی سازشاں، دہشت گرداں دی ٹریننگ اتے فنانسنگ دا جائزہ ڳھدے۔ کور کمانڈرز گیا۔کور کمانڈرز آکھیے جو بھارت، بلوچستان، آزاد کشمیر، گلگت بلتستان کوں عدم استحکام دا شکار کرݨ چاہندے، جو ایل او سی تے بھارتی حملیاں توں آبادی کوں بچاوݨ کیتے ہر اقدام کیتا ویسی۔ اجلاس اچ کورونا دی ݙوڄھی لھر سانڳے صورتحال تے غور تھیا اتے آرمی چیف آکھیا جو پاک فوج کورونا دی اڄوکی صورتحال نال نبڑݨ کیتے قومی کوششاں دی پوری حمایت کریسی۔انہاں عزم کیتا جو پاک فوج ریاستی اداریاں اتے قوم دی حمایت نال اندرونی وبیرونی چیلنجاں تے قابو پا ڳھنسی۔