اسلام آباد۔21نومبر  (اے پی پی):وفاقی وزیر اطلاعات و نشریات سینیٹر شبلی فراز آکھیے جو اپوزیشن غیر ذمہ داری دا ثبوت ݙیوݨ تے تلی ہوئی اے ،انھاں دا جلسے منعقد کرݨ تے بضد تھیوݨ انھاں دی غیر جمہوری سوچ اتے غیر ذمہ دارانہ رویے دا عکاس اے۔ہفتے کوں آپدے ٹویٹ اچ وفاقی وزیر سینیٹر شبلی فرازآکھیے جو عدالتی تے حکومتی احکامات دے بعد جلسے منعقد کرݨ دا کوئی قانونی تے اخلاقی جواز نی بݨدا ۔انھاں آکھیے جو ذاتی مفاد کیتے عوام دی صحت اتے زندگی نال کھیݙݨ ساریں توں وݙی خود غرضی اے، خیبر پختونخوا اچ کیسز ودھݨ دی صورت اپوزیشن راہنماواں اتے جلسیں دے منتظمین تے ایف آئی آر درج کرائی ویسی ۔