اسلام آباد۔25نومبر(اے پی پی)وفاقی وزیر سائنس و ٹیکنالوجی فواد چوہدری آکھیے جو سی پیک دا مستقبل سڄاکا اتے پاکستان چینی سرمایہ کاراں کیتے پر کشش منڈی بݨ ڳئے۔ اے ڳالھ انہاں نیشنل پارلیمنٹری ٹاسک فورس برائے پائیدار ترقی دے اہداف(ایس ڈی جیز) اتے سینٹ دی خصوصی کمیٹی قومی اتحاد ولوں سی پیک چیلنجز اتے مواقع بارے ہک سیمینار نال خطاب کریندے آکھی۔ انہاں آکھیا جو سی پیک منصوبے نال پاک چین سودھا خطے دے سارے ملکاں کوں فیدہ تھیسی، پاکستان چینی سرمایہ کاراں کیتے ہک پسندیدہ ڄاہ اتے منڈی بݨ ڳئے، سی پیک دے تحت یارہاں خصوصی اقتصادی زون بݨدے پین جیندے نال ملک اچ صنعتی ترقی دا انقلاب آسی اتے نینگراں کوں وݙا روزگار ملسی جیڑھا ایں ویلھے ساݙا وݙا مسلہ اے۔ انہاں آکھیا جو اساں اپݨی نیم کنڈکٹر انڈسٹری کوں ترقی ݙیوݨ اتے چینی دوستاں دے ڳانڈھے نال اپݨی مصنوعات دی قدر ودھاوݨ دی منصوبہ بندی کریندے پئے ہیں، موجودہ حکومت ملک اچ سستی اتے متبادل ذرائع  نال بجلی بݨاوݨ اچ لڳی ہوئی اے اتے اساں چینی کمپنیاں نال اپݨے شمسی پینل کرݨ آلے یونٹاں کوں پاکستان ڳھن آوݨ کیتے وی رابطہ کیتے۔