کراچی۔21نومبر  (اے پی پی):گرین لائن منصوبہ ستمبر 2021 توں پہلے مکمل تھی ویسی ، حکومت سندھ کراچی کیتے 700 ارب روپے دا بجٹ رکھیے تاں او خرچ کیوں نی کریندے ، وزیراعظم عمران خان کراچی دے منصوبیں دا جائزہ گھنسن تے ایندے بعد کراچی دے عوام تے میڈیا کوں ݙسایا ویسی جو ہݨ تئیں کتنی پیش رفت تھئی اے، انشاءاللہ کراچی دی عوام دے نال جیڑھا وعدہ کیتا ڳے او مکمل کیتا ویسی، جزائر دے حوالے نال حکومت سندھ دے جیڑھے وی اعتراضات آسن اساں انھاں کوں رل تے حل کریسوں ،اے جزیرہ سندھ دی معاشی صورتحال کیتے ریڑھ دی ہڈی ثابت تھیسی  ۔ اے ڳالھ وفاقی وزیر منصوبہ بندی، ترقی اتے خصوصی اقدامات اسد عمر اتے گورنرسندھ عمران اسماعیل مشترکہ طور تے ݙو منصوبیں دیاں تختیاں دی نقاب کشائی دے بعد صحافیاں نال ڳالھ مھاڑ کریندے ہوئیں آکھی اے انھاں منصوبیں اچ ایم اے جناح روڈ نمائش تے گریڈ ورکس آف بی آر ٹی کامن کوریڈور انڈرگراونڈ فیسلیٹیزدا افتتاح اتے بی آر ٹی کامن کوریڈور ایم اے جناح روڈ دے نال تاج میڈیکل کمپلکس توں میونسپل پارک تئیں دا سنگ بنیاد رکھݨ شامل اے ۔