اسلام آباد۔28نومبر(اے پی پی)وزیر خارجہ شاہ محمود قریشی نائیجر دے دارالحکومت نیامے اچ او آئی سی وزرا خارجہ کونسل دے 47ویں اجلاس دے موقع تے افریقی ملکاں صو مالیہ،نائیجر اتے سوڈان دے وزراء خارجہ نال ملاقاتاں کیتن۔انہاں ساریاں ملکاں تجارتی و اقتصادی اتے ݙہاں پاسے دے تعلقات کوں ودھاوݨ کیتے اعلی سطح  تے رابطیاں کوں ودھاوݨ تے اتفاق تھئے۔ترجمان دفتر خارجہ موجب صومالیہ دے وزیر مملکت امور خارجہ  بلال محمد عثمان  شاہ محمود قریشی نال ملاقات کیتی۔ وزیر خارجہ نائیجر دے اپݨے ہم منصب  کللا انکوراؤ نال وی ملے اتے ݙوہاں ملکاں وچال قریبی بھرواں آلے تعلقات تکڑے  کرݨ تے اتفاق کیتا۔