اسلام آباد۔14نومبر(اے پی پی) پاکستان سرائیکی پارٹی دے رہنماؤاں دا صوفی تاج محمد گوپانگ دی وفات تے ݙکھ تے افسوس کیتے۔پاکستان سرائیکی پارٹی ے رہنماؤاں چیئرپرسن ڈاکٹر نخبہ تاج لنگاہ،مرکزی صدر ملک اللہ نواز وینس،ڈپٹی چیئرمین علامہ اقبال وسیم، سیکرٹری جنرل پاکستان سرائیکی پارٹی محمد اکبر انصاری ایڈووکیٹ، ڈاکٹر مقصود خاں لنگاہ،ممتاز خاں ڈاہر، حاجی اللہ وسایا خاں لنگاہ، ملک غضنفر عباس راں، ملک جاوید چنڑ ایڈووکیٹ،ملک نعیم اقبال ایڈووکیٹ، مہر ربنواز چاون، جام یاسر ایڈووکیٹ، سردار محسن خاں ڈاہر، جام بشیر احمد، غلام عباس کھوکھر، ریاض حسین کھرل، قاضی وحید، میڈم ثروت رسول پوری، پیر گامن شاہ، اعجازِ الرحمٰن، ملک اکرم گھلو، ملک شوکت حیات جٹ اتے عبدالقیوم شاکر ‘ عظیم سرائیکی قوم پرست اتے بیرسٹر تاج محمد خاں لنگاہ دے قریبی ساتھی سئیں صوفی تاج خاں گوپانگ ایڈووکیٹ دی وفات تے ݙکھ تے افسوس کریندیں ہوئیں آکھیا جو صوفی تاج خاں گوپانگ دا شمار سرائیکی تحریک دے بانی اراکین اچ تھیندے ۔انہاں ساری حیاتی پسے ہوئے اتے مظلوم طبقے سانگے جدوجہد کریندیں ہوئیں گزاری۔ جݙاں 1984 اچ سرائیکی صوبہ محاذ بݨیا تاں صوفی تاج محمد خاں گوپانگ بیرسٹر تاج محمد خاں لنگاہ دی دعوت تے سرائیکی صوبہ محاذ اچ رلیے ۔اور سرائیکی لوک سانجھ دا حصہ وی رہیے اتے جئیں ویلھے پاکستان سرائیکی پارٹی دی بنیاد رکھی ڳئی تاں صوفی تاج خاں گوپانگ پاکستان سرائیکی پارٹی بیرسٹر تاج محمد خاں لنگاہ اتے اسداللہ خاں لنگاہ اتے بئے سینئر عہدیداراں نال پارٹی اچ ک کیتا۔او اعلیٰ درجے دے لکھاری محقق اتے دانشور ہن انہاں سرائیکی زبان تے ادب دی ٻہوں خدمت کیتی اتے کئی کتاباں لکھی ،انہاں سرائیکی زبان اچ شاعری وی کیتی۔ پاکستان سرائیکی پارٹی ے رہنماؤاں دا صوفی تاج محمد گوپانگ دی وفات تے ݙکھ تے افسوس  کریندیں ہوئیں آکھیا جو انہاں دی وفات تے ترائے ݙینھ پاکستان سرائیکی پارٹی دا پرچم سرنگوں رہسی۔پاکستان سرائیکی پارٹی ملتان اچ صوفی تاج خاں گوپانگ دی وفات تے تعزیتی ریفرنس کریسی۔