اسلام آباد۔6نومبر (اے پی پی):اکتوبر 2020 دے مہینے وچ بینک ڈیپازٹس اچ 20 فیصد ودھارا تھئے۔ سٹیٹ بینک آف پاکستان دی رپورٹ موجب اکتوبر 2020 دے چھیکڑ تے بینک ڈیپازٹس دا حجم 16.664 کھرب روپے تئیں پڄ ڳے جݙاں جو اکتوبر 2019 دے مکݨ تے بینکنگ سیکٹر دے ڈیپازٹس دا حجم 13.912کھرب روپے ریکارڈ کیتا ڳیا ہئی ،ایں طرح ہک سال وچ بینکنگ سیکٹر دےڈیپازٹس اچ2.752 کھرب روپے یعنی 20 فیصد ودھارا ریکارڈ کیتا ڳے ۔ بینکاری دے شعبے دے ماہرین تے تجزیہ کاراں آکھیے جو بیکنگ سیکٹر دے ڈیپازٹس دی شرح اچ ودھارےد ا بنیادی سبب کووڈ۔19 دی وبا اے کیوں جو سفر خرچے وچ کمی پاروں لوکاں آپ دیاں بچتاں بینکاں وچ جمع کرائن ۔ رپورٹ موجب اڄوکے سال 2020 دے پہلے 10 مہینے وچ بینکاں دے ڈیپازٹس اچ 14 فیصدودھارا ریکارڈ کیتا ڳے ۔
