اسلام آباد۔5نومبر(اے پی پی)وزیراعظم دے مشیر تجارت عبدالرزاق داؤد آکھیے جو اکتوبر2020اچ سیمنٹ ویچݨ دی شرح 15.83 فیصد ودھارے نال 5.735 ملین ٹن رہی اے ۔ خمیس کوں ہک بیان اچ انہاں آکھیے جو اکتوبر وچ سیمنٹ دی ہݨ تئیں ودھ ویچݨ دی شرح 5.735 ملین ٹن ریکارڈ کیتی ڳئی،پیداوار اچ گزریل سال دے مقابلے مقامی وکری اچ 15.83 فیصد دا ودھارا تھئے۔ انہاں آکھیے جو اے ڳالھ حوصلہ افزا اے جو اکتوبر اچ سیمنٹ دی برآمد اچ 19 فیصد دا ودھارا تھئے۔ گزریل سال دے مقابلے سیمنٹ دی برآمدات 32.86 ملین امریکی ڈالر ہن۔ انہاں آکھیے جو گزریل سال سیمنٹ دی برآمدات 27.62 ملین ڈالر ہن۔ جولائی تا اکتوبر تئیں سیمنٹ دی برآمدات اچ 10.8فیصد ودھارا تھئے جڈاں جو مذکورہ عرصہ اچ برآمدات 105.18 ملین ڈالر ہن ، گزریل سال سیمنٹ دی برآمدات 94.97 ملین ڈالر ریہاں ہن ۔
