ای سی سی کورونا وائرس کھنݙݨ توں روکݨ کیتے ویکسین مل گھنݨ سانگے 15 کروڑڈالر دی تکنیکی ضمنی گرانٹ دی منظوری ݙے ݙتی

APP09-201120 ISLAMABAD: November 20 - Adviser to the Prime Minister on Finance and Revenue, Dr. Abdul Hafeez Shaikh chairing the meeting of the Economic Coordination Committee of the Cabinet. APP

اسلام آباد۔20نومبر(اے پی پی)کابینہ دی اقتصادی رابطہ کمیٹی(ای سی سی) دا اجلاس مشیر خزانہ ڈاکٹر عبدالحفیظ شیخ دی اڳواݨی اچ تھئے جیندے اچ کرونا کیتے ویکسین مل گھنݨ سانگے 15 کروڑ ڈالر دی تکنیکی ضمنی گرانٹ دی اصولی منظوری ڈتی۔ ویکسین دی پہلی کھیپ 5 فیصد آبادی یعنی صحت عامہ اتے فرنٹ لائن ورکراں اتے 65 سال توں ودھ عمر دے شہریاں کوں ݙتی ویسی۔ ایں انتظام دے تحت ہک کروڑ لوکاں کوں ویکسین ݙتی ویسی۔ اجلاس جنوری توں جون2021 تئیں دی توسیعی مدت اچ گروپ 20ممالک دے قرضاں دی سہولت کیتے باضابطہ درخواست سانڳے وزارت اقتصادی امور دی درخواست دی وی منظوری ݙتی۔ ویکیسن بارے وزارت قومی صحت خدمات ولوں اجلاس کوں بریفنگ ݙتی ڳئی۔ اجلاس وزارت اقتصادی امور دی مشاورت نال ویکسین خریداری کیتے مالیاتی سہولت دے جائزے سانڳے عالمی بینک اتے ٻئے رقیاتی شراکت داراں نال رابطیاں دی ہدایت کیتی۔ اجلاس اچ پاکستان سٹیل ملز دے ملازمین دی تعداد ڳھٹاوݨ کیتے 19.656 ارب روپے دی تکنیکی ضمنی گرانٹ سودھا وزیراعظم دے خصوصی پیکج دے تحت سکلزفارآل سٹریٹجی تے عمل کیتے 50 کروڑ روپے دی تکنیکی ضمنی گرانٹ وی منظور کیتی۔ وزارت قومی غذائی تحفظ وتحقیق اجلاس کوں کݨک دی درآمد تے تفصیلی بریفنگ ݙتی۔