ملتان ۔17نومبر (اے پی پی)ترائے ݙینھ وار 5ویں تھل جیپ ریلی دی روٹ ریکی دا کم ٹورازم ڈویلپمنٹ کارپوریشن آف پنجاب (ٹی ڈی سی پی )دی ٹیم مکمل کرتے مارکنگ دا کم شروع کرݙتے ۔ ٹی ڈی سی پی دے زیرانتظام 20نومبر توں شروع تھیوݨ آلی پنجویں تھل جیپ ریلی کیتے ٹریک دی لمبائی لڳ بھڳ ادھی کرݙتی ڳئی ھے جیڑھی جو ضلع مظفرگڑھ دے علاقے چھانگا مانگا ٹیلے توں شروع تے ضلع لیہ دی تحصیل چوبارہ وچ مک ویسی ڄݙاں جو گزریل سال چوتھی تھل جیپ ریلی چھانگا مانگا توں شروع تھی تے چوبارہ توں واپس چھانگامانگا مک ڳئی ہئی۔چھانگا مانگا توں شروع تھیوݨ آلی ریلی کرماں والا موڑ توں تھیندے ہوئیں مظفرگڑھ دے علاقیں حاصل والا، وستی جھوک، وزیروالا، پھہری، بلوچاں دا کھوہ، گدارا، میرن شاہ اتے محمودوالا توں اڳوں ضلع لیہ دے علاقیں شاہ والا، پاولی والا، سلطان والا، رشید والا نلکا، ہڑی والا، گنجی والا، چاہ صوبے والا توں تھیندے ہوئیں چوبارہ تے مک ویسی۔
