انقرہ۔2نومبر (اے پی پی):ترکی اچ زلزلے پاروں 81لوکاں دی موت تھئی اے ۔برطانوی خبر رساں ادارے موجب ترک حکام سنوار کوں ݙسائے جو ساحلی شہر ازمیر اچ 6.9 درجے شدت دے زلزلے پاروں ازمیر شہر اچ ڈھݨ آلیاں 8 عمارتاں اچ امدادی کاروائیاں چوتھے ݙینھ وی جاری ہن جیں دے بعد اموات 79 توں ودھ تے 81 تھی ڳن جیں اچ 79 لوک ازمیرتے 2 ٻال یونان دے جزیرہ ساموس اچ جاں بحق تھن جݙاں جو زلزلے توں زخمی تھیوݨ آلے 740 توں ودھ لوکاں کوں ڈسچارج کر ݙتا ڳے ۔ ترکی دے ڈیزاسٹر اینڈ ایمرجنسی اتھارٹی (اے ایف اے ڈی) ݙسائے جو امدادی کارروائیاں دے تحت متاثرین کوں عارضی پناہ گاہ ݙیوݨ کیتے ساڈھے 3 ہزار توں ودھ خیمے اتے 13 ہزار بسترے ݙتے ڳن ۔زلزلے پاروں 962 لوک زخمی تھن۔ ترکی اچ جمعے کون ازمیر شہر اچ آوݨ آلے زلزلے دا مرکز جزیرہ ساموس دے شمال مشرق اچ بحیرہ ایجین وچ ہئی ۔
