اسلام آباد۔30نومبر (اے پی پی):وزیراعظم عمران خان آکھیے جو تعمیرات دے عمل اچ ماحولیاتی تحفظ دا خاص خیال رکھیا ونڄݨاں چاہیدے ، تعمیرات نال روزگار دے موقع ملسن تے معیشت مستحکم تھیسی ۔ اے ڳالھ انھاں سنوار کوں چیئرمین نیا پاکستان ہاؤسنگ ڈیویلپمنٹ اتھارٹی لیفٹیننٹ جنرل (ر) انور علی حیدر اتے چیئرمین پاکستان آئی لینڈز اتھارٹی عمران امین نال ڳالھ مھاڑ کریندے ہوئیں آکھی اے جنھاں انھاں نال ملاقات کیتی ۔ایں موقع تے وزیر اعظم کوں تعمیرات اتے انھاں منصوبیں اچ ماحولیاتی تحفظ دے اقدامات دے حوالے نال بریفنگ ݙتی ڳی ۔ وزیراعظم آکھیے جو تعمیرات نال روزگار دے موقع ملسن تے معیشت مستحکم تھیسی۔ وزیر اعظم ایں ڳالھ تے زور ݙتے جو تعمیرات دے عمل اچ ماحولیاتی تحفظ دا خاص خیال رکھیا ونڄے ۔ وزیر اعظم تاکید کیتی جو ہر منصوبے دا ماحولیاتی تجزیہ قانون دے مطابق ضروری ہے اتے ایں ضمن اچ حکومت ہر ممکن اقدامات کریسی ۔
